ພະແນກສຶກສາທິການ ແລະ ກິລາແຂວງສະຫວັນນະເຂດ

ສກຂ ສະຫວັນນະເຂດ ຮ່ວມກັບ ໂຮງຮຽນອ້ອມຂ້າງພະແນກ, 5 ວິທະຍາໄລອ້ອມຂ້າງມອບເຄື່ອງກຸສົນ ແລະ ອຸປະກອນການຮຽນ ໃຫ້ໂຮງຮຽນເຂດຫ່າງໄກສອກຫຼີກ 2 ເມືອງພູດອຍ

  ພະແນກສຶກສາທິການ ແລະ ກິລາແຂວງສະຫວັນນະເຂດ ຮ່ວມກັບ 5 ໂຮງຮຽນມັດທະຍົມ ແລະ ວິທະຍາໄລ 5 ແຫ່ງ ໄດ້ຈັດແຜນເຄື່ອນໄຫວ ມອບເຄື່ອງກຸສົນ ແລະ ອຸປະກອນການຮຽນ ຈຳນວນໜຶ່ງ ໃຫ້ແກ່ນ້ອງນັກຮຽນເຂດຫ່າງໄກສອກຫຼີກ 2 ເມືອງພູດອຍ ເມືອງເຊໂປນ ແລະ ເມືອງນອງ ໃນຈຳນວນ 18 ໂຮງຮຽນ.

  ໃນວັນທີ 29 ທັນວາ ຜ່ານມາທີ່ໂຮງຮຽນມັດທະຍົມຕຳລວງ ເມືອງນອງ ແຂວງສະຫວັນນະເຂດ ໄດ້ມີພິທີມອບ-ຮັບເຄື່ອງກຸສົນ ແລະ ອຸປະກອບການຮຽນ ໃຫ້ເຂດຫ່າງໄກສອກຫຼີກ 2 ເມືອງ ເຊໂປນ ແລະ ເມືອງນອງ ແຂວງສະຫວັນນະເຂດ ໃຫ້ກຽດເປັນປະທານມອບໂດຍ ທ່ານ ຄູນຄຳ ຣາຊະພົນ ຮອງຫົວໜ້າພະແນກສຶກສາ - ກິລາແຂວງ, ມີບັນດາທ່ານຜູ້ອຳນວຍການໂຮງຮຽນທັງ 5 ໂຮງຮຽນ ພ້ອມດ້ວຍ ພະນັກງານ, ຄູ-ອາຈານ ແລະ ນ້ອງນັກຮຽນເຂົ້າຮ່ວມ.

 

 

 ໂດຍ: ພູວອນ ດຳລົງບຸນ