ພະແນກສຶກສາທິການ ແລະ ກິລາແຂວງສະຫວັນນະເຂດ

ມ.ສ ສະຫວັນ ເປີດງານກິດຈະກຳ ປະຈຳສົກຮຽນ 2017-2018

  ພິທີເປີດງານກິດຈະກຳ ປະຈໍາສົກຮຽນ 2017-2018 ມີຂຶ້ນເປັນທາງການ ໃນວັນທີ 20 ພະຈິກ ຜ່ານມານີ້ ທີ່ໂຮງຮຽນ ມສ ສະຫວັນ ໂດຍເປັນປະທານຂອງທ່ານນາງ ຫຼິງທອງ ແສງຕາວັນ ຫົວໜ້າພະແນກສຶກສາທິການ ແລະ ກິລາແຂວງ, ເຂົ້າຮ່ວມມີ ທ່ານ ວິນິດໃສ ທອງເຕີມ ຫົວໜ້າຂະແໜງມັດທະຍົມ, ມີບັນດາຄະນະອຳນວຍການໂຮງຮຽນອ້ອມຂ້າງ, ປະທານສະມາຄົມພໍ່ແມ່ນັກຮຽນ, ພ້ອມດ້ວຍຄູ-ອາຈານ ແລະ ນ້ອງໆນັກຮຽນເຂົ້າຮ່ວມຢ່າງເປັນຂະບວນຟົດຟື້ນ.

  ໃນພິທີ ທ່ານ ລຳແກ້ວ ເກດທອງດີ ກ່າວໃຫ້ຮູ້ວ່າ: ການເປີດກິດຈະກຳ ປະຈຳສົກຮຽນ 2017-2018 ຂຶ້ນຢ່າງເປັນທາງການ ເພື່ອສົ່ງເສີມດ້ານວິຊາການ ແລະ ຂະບວນການເຄື່ອນໄຫວກິດຈະກຳຕາມ 3 ຂໍ້ແຂ່ງຂັນ ສອນດີ-ຮຽນເກັ່ງ, ຕ້ານປາກົດການຫຍໍ້ທໍ້ໃນໂຮງຮຽນ ແລະ ສ້າງສະພາບແວດລ້ອມທີ່ດີພາຍໃນໂຮງຮຽນ ແລະ 5 ຫຼັກມູນການສຶກສາຄື: ຄຸນສົມບັດສຶກສາ, ປັນຍາສຶກສາ, ພະລະສຶກສາ, ສິລະປະສຶກສາ ແລະ ແຮງງານສຶກສາ ເປັນຊຸກຍູ້ໃຫ້ນ້ອງນັກຮຽນໃຊ້ເວລາຫວ່າງໃຫ້ເກີດປະໂຫຍດ ແລະ ເປັນວິທີໜຶ່ງທີ່ເຮັດໃຫ້ນັກຮຽນຫ່າງໄກຈາກສິ່ງເສບຕິດຕ່າງໆ, ສ້າງໃຫ້ນັກຮຽນໄດ້ສະແດງຄວາມຮູ້ຄວາມສາມາດໃນການເຄື່ອໄຫວກິດຈະກຳໃນແຕ່ລະດ້ານ. ເວົ້າລວມ ເວົ້າສະເພາະດ້ານການສຶກສາຮ່ຳຮຽນ, ກິລາ, ສິລະປະ ແລະ ດ້ານອື່ນໆ ໂດຍກຈັດໃຫ້ມີການແຂ່ງຂັນໃນລະດັບຫ້ອງຕໍ່ຫ້ອງ, ຊັ້ນຕໍ່ຊັ້ນ, ເປັນຕົ້ນການສອບເສັງນັກຮຽນເກັ່ງລະດັບໂຮງຮຽນ, ຈັດໃຫ້ມີການແຂ່ງຂັນຕອບ-ຖາມວິທະຍາສາດ, ການປະກວດບົດຟ້ອນ, ບົດລຳ ໃຫ້ໄດ້ສົກຮຽນ 1 ຄັ້ງ, ຈັດໃຫ້ມີການແຂ່ງຂັນກິລາປະເພດຕ່າງໆ, ພ້ອມນັ້ນຈັດໃຫ້ມີການແຂ່ງຂັນຫ້ອງດີເດັ່ນໝົດປີຕື່ມອີກ

 

 

 ໂດຍ: ພູວອນ ດຳລົງບຸນ