ພະແນກສຶກສາທິການ ແລະ ກິລາແຂວງສະຫວັນນະເຂດ


ວິທະຍາໄລ ໄຊສົມບັດ ແລະ ບໍລິສັດ ໂຄລາວກຣຸບ ຈະຮ່ວມມືກັນດ້ານການຮຽນ-ການສອນແບບຄວບຄູ່

ເມື່ອວັນທີ 29 ມີນາ ຜ່ານມາທີ່ຫ້ອງປະຊຸມຂອງ ວິທະຍາໄລ ໄຊສົມບັດເຕັກໂນໂລຊີ ແຂວງສະຫວັນນະເຂດ ໄດ້ມີພິທີເຊັນບົດບັນທຶກຄວາມເຂົ້າໃຈ ລະຫວ່າງວິທະຍາໄລ ໄຊສົມບັດເຕັກໂນໂລຊີ ໂດຍ ທ່ານ ສຸກສະຫວັນ ໄຊສົມບັດ ຜູ້ອຳນວຍການ ວິທະຍາໄລ ໄຊສົມບັດເຕັກໂນໂລຊີ ແລະ ທ່ານ ຄອນສະຫວັນ ສີສຸລາດ ປະທານກຸ່ມບໍລິສັດໂຄລາວກຣຸບ. ໂດຍເຂົ້າຮ່ວມເຊັນບົດບັນທຶກເປັນສັກຂີ່ພິຍານຂອງ ທ່ານ ວິໄນ ສຸຂະລາດ ຮອງຫົວໜ້າພະແນກສຶກສາທິການ ແລະ ກິລາແຂວງສະຫວັນນະເຂດ, ພ້ອມດ້ວຍພະນັກງານວິຊາການທັງສອງຝ່າຍເຂົ້າຮ່ວມ.

ອ່ານຕໍ່.....

ສະຫວັນນະເຂດ ປະກາດ 175 ໂຮງຮຽນມັດທະຍົມສຶກສາ ເປັນໂຮງຮຽນປອດຢາເສບຕິດ

ແຂວງສະຫວັນນະເຂດ ໄດ້ປະກາດໂຮງຮຽນມັດທະຍົມສຶກສາ ຈຳນວນ 175 ໂຮງຮຽນເປັນໂຮງຮຽນປອດຢາເສບຕິດ ແລະ ສາມາດສ້າງໄດ້ 8 ໂຮງຮຽນເປັນໂຮງຮຽນປອດຢາເສບຕິດ 5 ສົກຮຽນຕິດຕໍ່ກັນ ແຕ່ປີ 2011-2016 ແລະ ນຳເອົາຄວາມຮູ້ພື້ນຖານກ່ຽວກັບບັນຫາຢາເສບຕິດ ເຂົ້າໃນການສຶກສາອົບຮົມນັກຮຽນໄດ້ 229,929 ຄົນ, ສາມາດປ່ຽນພຶດຕິກຳກຸ່ມສ່ຽງໄດ້ທັງໝົດ 4,312 ຄົນ ແລະ ສຶກສາອົບຮົມກຸ່ມເສບໄດ້ 343 ຄົນ. ໃນວັນທີ 30 ມີນາ ຜ່ານມາທີ່ສະໜາມກິລາເມືອງອຸທຸມພອນ ແຂວງສະຫວັນນະເຂດ ໄດ້ຈັດພິທີປະກາດ ແລະ ຮັບຮອງໂຮງຮຽນຊັ້ນມັດທະຍົມສຶກສາປອດຢາເສບຕິດ ໂດຍເປັນປະທານຂອງ ທ່ານ ຄຳພູນ ຕຸໄພທູນ ກຳມະການປະຈຳພັກແຂວງ ຮອງເຈົ້າແຂວງສະຫວັນນະເຂດ ພ້ອມຄະນະ, ມີບັນດາເຈົ້າເມືອງ, ຮອງເຈົ້າເມືອງ, ຫົວໜ້າຫ້ອງການສຶກສາທິການ ແລະ ກິລາ ພ້ອມດ້ວຍພະນັກງານຄູ-ອາຈານ ແລະ ນ້ອງນັກຮຽນທັງ 15 ເມືອງເຂົ້າຮ່ວມຢ່າງພ້ອມພຽງ.

ອ່ານຕໍ່.....

ອົງການຊ່ວຍເຫຼືອດ້ານການສຶກສາລາວ ຍັງສືບຕໍ່ໃຫ້ການຊ່ວຍເຫຼືອເດັກນ້ອຍທີ່ດ້ອຍການຮຽນ ຢູ່ແຂວງສະຫວັນນະເຂດ

ພະແນກສຶກສາທິການ ແລະ ກິລາແຂວງສະຫວັນນະເຂດ ຕ່າງໜ້າໃຫ້ແກ່ກະຊວງສຶກສາທິການ ແລະ ກິລາ ແລະ ອົງການຊ່ວຍເຫຼືອດ້ານການສຶກສາລາວ ເຊັນບົດບັນທຶກຄວາມເຂົ້າໃຈ ເພື່ອຊ່ວຍເຫຼືອເດັກນ້ອຍລາວເຮົາຜູ້ດ້ອຍໂອກາດໃຫ້ໄດ້ຮັບໂອກາດສຶກສາຮ່ຳຮຽນທີ່ກ້າວໜ້າ ແລະ ກວ້າງໄກລົບລ້າງຄວາມກຶກໜັງສື, ໂດຍສະເພາະເດັກນ້ອຍທີ່ດ້ອຍໂອກາດທີ່ຢູ່ເຂດຊົນນະບົດຫ່າງໄກສອກຫຼີກໄດ້ເຂົ້າເຖິງການສຶກສາ ໃຫ້ປະຊາຊົນບັນດາເຜົ່າຫຼຸດພົ້ນອອກຈາກຄວາມທຸກຍາກເທື່ອລະກ້າວ ພິທີດັ່ງກ່າວໄດ້ມີຂຶ້ນໃນວັນທີ 9 ມີນາ ຜ່ານມາທີ່ຫ້ອງປະຊຸມຂອງ ພະແນກສຶກສາທິການ ແລະ ກິລາແຂວງສະຫວັນນະເຂດ ໂດຍເຂົ້າຮ່ວມເປັນສັກຂີ່ພິຍານຂອງ ທ່ານ ຄຳພູນ ຕຸໄພທູນ ຮອງເຈົ້າແຂວງສະຫວັນນະເຂດ, ມີບັນດາທ່ານຕ່າງໜ້າພະແນກການທີ່ກ່ຽວຂ້ອງ ພ້ອມດ້ວຍພະນັກງານວິຊາການທັງສອງຝ່າຍເຂົ້າຮ່ວມ.

ອ່ານຕໍ່.....

ແມ່ຍິງ ສກຂ ສະຫວັນນະເຂດເຊື່ອມຊຶມວັນແມ່ຍິງສາກົນ 8 ມີນາ ຄົບຮອບ 107 ປີ

ໃນັວນທີ 4 ມີນາ ຜ່ານມາທີ່ຫ້ອງປະຊຸມໃຫຍ່ຂອງພະແນກສຶກສາທິການ-ກິລາແຂວງສະຫວັນນະເຂດ ມີການປາຖະກະຖາວັນແມ່ຍິງສາກົນ ວັນທີ 8 ມີນາ ຄົບຮອບ 107 ປີ ໂດຍໃຫ້ກຽດເປັນປະທານເລົ່າຄື່ນມູນເຊື້ອວັນດັ່ງກ່າວຂອງ ທ່ານ ນາງ ຫຼິງທອງ ແສງຕາວັນ ກຳມະການພັກແຂວງ ຫົວໜ້າພະແນກສຶກສາທິການ ແລະ ກິລາແຂວງສະຫວັນນະເຂດ, ມີບັນດາທ່ານຫົວໜ້າຂະແໜງ ຮອງຂະແໜງ, ຜູ້ອຳນວຍການວິທະຍາໄລ, ຜູ້ອຳນວຍການໂຮງຮຽນ ພ້ອມດ້ວຍພະນັກງານ ຄູ-ອາຈານ ແລະ ນັກຮຽນນັກສຶກສາ ທາງພັກລັດ ແລະ ເອກະຊົນ ອ້ອມຂ້າງພະແນກສຶກສາ-ກິລາເຂົ້າຮ່ວມ.

ອ່ານຕໍ່.....
| 1  | 2  | 3  | 4  | 5  | 6  | 7  | 8  ໜ້າທີ 9 | 10  | 11  | 12  | 13  | 14  | 15  | 16  | 17  | 18  | 19  | 20  | 21  | 22  | 23  | 24  | 25  | 26  | 27